Oskars Seiksts

Materials nu Vikipedeja
Jump to navigation Jump to search

Oskars Seiksts (dzims 1973 g. novembra 15 d. Rēznē) – latgalīšu ailinīks, rakstinīks, literaturys kritiks, latgalīšu postmodernuos literaturys aizsuociejs. Darejs lelu ītaku cytim myuslaiku latgalīšu autorim – Ingridai Tāraudai, Valeņtinam Lukaševičam, Līgai Rundānei, Juoņam Ryučānam, Līgai Gagainei-Deksnei (Leigai Seikstai) i ct.

Biografeja[pataiseit | labot pirmkodu]

Beidzs Rēznis 5 vydsškolu, vuicejīs Rēznis Augstškolā. Dzeivoj Rēznē i Rēznis nūvodā. Latvejis rakstinīku savīneibys bīdris nu 1998 gods.

Literaruo darbeiba[pataiseit | labot pirmkodu]

Dzeivuļus jiems raksteit vydsškolys laikā. Pyrmuos publikacejis – Rēznis rajona laikrokstā Darba Karogs (1990) i Mōras Zeme (1991). Dzeivuli, eisproza, rakstīni ap latgalīšu volūdu i literaturu nūdrukavuoti laikrokstūs Latgolas Bolss, Zemturs, žurnalā Jaunuo Dzeive, laikagruomotā Tāvu zemes kalendars i cytur.

Caur sovu pyrmū gruomotu Seppuku iz saulis vādara (1995, kūpā ar Valeņtinu Lukaševiču) devs kvalitativai jaunu pagrīzīni latgalīšu poezejā – i tematikys, i muokslyskuos izsaceibys, i auteņtiskuos volūdys vierteibu lītuojuma zinē. Pīrakstejs pyrmū postmodernizma romanu latgalīšu literaturā Valerjana dzeive i redzīni (1996, kūpā ar Valeņtinu Lukaševiču). Kūplasīnī Pagrauda (1999) publiciejs vierteigys esejis, pasūleidams novatorisku, myuslaiceigu pasavierīni iz latgalīšu literaturys viesturis.

Ar Oskara Seiksta vuordim komponātys dzīsmis 2009 i 2011 godā izlaids Latgalīšu rokmuzykants Sovvaļnīks (īguoja albumūs Sūpluok i Bolts susātivs).


  • Gruomotys
    • Seppuku iz saulis vādara (1995, ailis, kūpā ar Valeņtinu Lukaševiču)
    • Valerjana dzeive i redzīni (1996, romans, kūpā ar Valeņtinu Lukaševiču)
    • Pagrauda (1999, autors i sastateituojs; latgalīšu jaunūs autoru ailis, O. Seiksta literaturkritiskuos esejis, poezejis atvārsumi nu anglīšu i lītaunīku volūdu)
    • Reitišku mads (2000, romans, kūpā ar Leigu Gagaini)