Uralu palāda

Materials nu Vikipedeja
Uralu palāda

Ziniskuo klasifikaceja
Pasauļs Dzeivinīki (Animalia)
Tips Hordini (Chordata)
Klase Putni (Aves)
Aiļa Palādini putni (Strigiformes)
Saime Palādini (Strigidae)
Giņts Palādys (Strix)
Škira Uraline palāda (Trix uralensis)
Ziniskuo pasauka
Trix uralensis
Paplateiba

Uralinis palādys paplateiba pasaulī
Strix uralensis uralensis
Uralu palāda, video

Uralu palāda (latiņu: Trix uralensis; anglīšu: Ural Owl; latvīšu: Urālpūce; lītaunīku: Uralinė pelėda) — peliediņu saimis (Strigidae) palādu ciļts putnys. Perekli taisa Pūstumu Eurazejā nu Skaņdinavejis leidz Tuoleimim Reitim, gon cieški sateikams putyns Latgolā i pūstumu Vydzemē.

Aproksts[pataiseit | labot pirmkodu]

Vīna nu pošu leluokū palādu, spuornu paplatīņs byun net 125 cm, garums da 62 centimetrim i aste 30 cm. Pamata kruosa gaišai palāka ar bryunom streipom.[1] Taipoš kai cytom palādom, zeimeiguokuo pīzeime škiru nūsaceišonā irā bolss. Uralinis palādys gon labi redz i gaismā, kod nakod medej i dīnys laikā.

Bolss[pataiseit | labot pirmkodu]

Pacīši augsts "hau... hau... hau", muotaine kod nakod augstuoku "vak-vak" skonu. Rūjis laikā tāvainim dūbs "ūūūu u u-hu".[2]

Dzeivisvīta[pataiseit | labot pirmkodu]

Pa lelam dzeivoj nasausūs lelūs skujukūku ci jauktūs mežūs, mežamoluos, pūrmoluos, pi mežapļovom i lyuzūs. Perekli taisa kūku dūbūs, cylvāka taiseitūs puļciņuos, vacuos cytu plieseigu putynu perekļuos, iz kūku stubuļnem. Nu apreļa mieneša pereklī 3-4 boltys ūlys.

Paplateiba[pataiseit | labot pirmkodu]

Perekli taisa vysā Eurazejis skujukūku jūstā, taipoš Skaņdinavejā kai areala vokoru rūbežā i Latgolā kai golvonuo Europys areala dīnavydu rūbežā. Napalelā skaitā dzeivoj Reitu Europys i Vydseuropys kolnu regionūs, taipoš i Balkanu dīnavydūs. Lītovā cīši rats putyns. Azejā perekli taisa Sibira taigā, Krīvejis Pijiurys nūvodā, Pūstumu Korejā i vysā Japonejā.

Nūruodis i olūti[pataiseit | labot pirmkodu]

  1. Strazds M. (red.) (2002): Latvejis meža putyni. Latvejis Ornitologejis bīdreiba.
  2. Baumanis J. Klimpiņš V. (2003): Putyni Latvejā. Zvaigzne ABC.
Commons:Category
Commons:Category
Vikitekā irā dabojami faili ap itū temu.
Verīs: Uralu palāda