Rāzna

Materials nu Vikipedeja
Jump to navigation Jump to search
Rāzna
Raznas ezers.JPG
Rāzna (Latveja)
Rāzna
Rāzna
Koordinatys: 56°19′0″N 27°27′0″E /  / 56.31667; 27.45000Koordinatys: 56°19′0″N 27°27′0″E /  / 56.31667; 27.45000
Nūvods Rēznis nūvods
Pluots 57,564 km²
Pošlelais garums 12,1 km
Vydyskuo dzilīne 7,0 m
Pošleluo dzilīne 17,0 m
Vydums 0,405 km3
Augstums vjl 163,8 m
Iztece Rēzne
Satecis baseins 1710 km²
Baseina vaļsteibys Latveja
Azarsolys 10

Rāzna — azars Latgolys dīnavydu daļā/vydsdaļā, Latgolys augstainē, Rēznis nūvoda teritorejā, iz vokorim nu Ludzys – Dagdys ceļa. Ūtrais pa lelumam azars Latgolā i Latvejis Republikys teritorejā (piec Lubuona). Rāznys viersa pluots dasnādz 5756,4 ha (ar azarsolom 5781 ha). Azara garums stīpās da 12,1 km, plotums da 7 km. Pa iudiņa vydumam (405 mln. kub. m) aizjam pyrmū vītu iz vyds Latgolys azaru.

Vydyskais dziļums 7 m, pošlelais dziļums 17 m. Azara dybyns reitu i dīnavydu daļā smiļkšuots, pūstumu daļā muoluots, vokoru daļā dyuņuots, a kuruos nakuruos azara vītuos i akmiņuots. Azarmola vokorūs lāva, pūstumūs i reitūs nūšļuobona, kuruos nakuruos vītuos – stuovona. Da azara vysur labi daīt, jimā 10 azarsolu, 2 leluoki leiči – Dyužgols aba Dyukstygols i Zosnagols.

Azara dīnavydu molā pasacieļs deļ breineigūs vierīņu i legendu izslyvušais Muokuļkolns (vycaureigais augstums 248 m, samiereigais 55 m).

Rāznā ītak vaira kai 20 ryuču i gruovu. Nu azara iztak Rēznis upe, nūtaka iz Zosna azaru (kanals), ryuči i gruovi. 1938 -1940 g. beja dareiti Rēznis reguliešonys dorbi, tūlaik azara iudiņa leidzīņs nūkryta.

Rāznys auguoji – nīdris, skūrstys, syurenis, laičinis, gleivenis, harys. Azarā sateikamys 27 zyvu škirys – zuši, karpys, peledis, raudys, asari, leidakys, repši, pliči, keiši, vīki i ct.

Teiklavītys[pataiseit | labot pirmkodu]