Lubuons

Materials nu Vikipedeja
Lubuons

Lubuona vakarmale pi Zvidzys kanala.
Lubuons (Latveja)
Lubuons
Lubuons
Koordinatys: 56°46′0″N 26°52′0″E /  / 56.76667; 26.86667Koordinatys: 56°46′0″N 26°52′0″E /  / 56.76667; 26.86667
Nūvods Rēznis nūvods, Modyunis nūvods
Pluots 80,70 km²
Pošlelais garums 15,7 km
Vydyskuo dzilīne 1,6 m
Pošleluo dzilīne 3,5 m
Augstums vjl 90 m
Iztece Aivīkste
Satecis baseins 2 040 km²
Baseina vaļsteibys Latveja
Azarsolys Akmiņsola

Lubuons — azars Latgolys vokoru daļā, Reitulatvejis zamainē, Rēznis i Modyunis nūvoda teritorejuos, vysuleluokais azars Latgolā i Latvejis Republikys teritorejā. Juo viersa pluots dasnādz 8070 ha (ar azarsolom – 8210 ha). Azara garums stīpās da 14 km, plotums – da 9 km.

Koč Lubuona lelums īspaideigs, juo vydiskais dziļums viņ 1,6 m, pošlelais dziļums – 2,5 m. Nazkod Lubuons vys aizlēja dyžan plotys teritorejis, kam juo apleicīne tik drupeit pasaceļ augšuok azara leidzīņa. Divdasmytuo godusymta 30-tajūs i 50-70-tajūs godūs padareiti leli azara apleicīnis puortaisis dorbi: pastateitys 90 dambu, izrokti 93 apleikkanali i azara nūteciejums pagrīzts pa Aivīksti. Deļ itūs dorbu Lubuonā jau nazcik reižu mejīs iudiņa leidzīņs.

Azara viersa vyscaureigais (absolutais) augstums irā 92,5 m augšuok jiuru leidzīņa.

Nu Lubuona iztak Aivīkste, ītakūšuos upis – Malmuna, Teiceja, Lisine i vēļ 5 mozuokys upeitis – divdasmytajā godusymtā pagrīztys pa Meirānu kanalu, Rēznis i Maltys ītakys salaistys kūpā. Taipoš puorguojušajā godusymtā pi Lubuona ītaiseiti zyvu muorki ar kūpeigū pluotu 1750 ha i nūsausynuotys 10000 ha meža zemis.