Pededze

Pededze
Pededzis upe pi Litinis
Kulturviesturiskais nūvods	Vydzeme
Iztaka	Kerigumis azars
Ītaka	Aivīkste (Vacpededze)
Baseina vaļsteibys	Latveja, Igauneja, Krīveja
Satecis baseins	1690,0 km²
Cartecis vaļsteibys	Latveja, Igauneja
Garums	159 km (Latvejā 131 km)
Nūkritīņs	108  m
Gods puorteciejums	0,44  km³
Zeimeiguokuos datakys	Syta, Paparža, Olyuksna
Dzeivojamys vītys upmalē	Muolupe, Jaunanna, Litine

Pededze (latvīšu: Pededze; igauņu: Pedetsi jõgi; vyrovīšu: Pedejä jõgi) - upe Vydzemē, natuoli nu Latgolys nūvoda rūbežu. Aivīkstis poša leluo lobuos malis dataka. Upe aizasuoc Hānjis augstainē, Kerigumis azarā, Igaunejis Vyrovys apleicinī. Tak iz dīnavydu sūpluok Krīvejis rūbežom, tod pasagrīž iz dīnavydvokoru i tak Latvejā Olyuksnis, Guļbinis i Modyunis nūvodūs. Deļ Lubuona hidrografiskuos sistemys, ītakā upe sasadola div storūs - Vacpededzē i Jaunpededzē. Vacpededze satak ar Bolupi.

Upmalis cīši mežainis, daudzi ūzuluoju. 1997 godā Strodu pogostā sataiseits dobys nūlīgtiņs "Pededzis ūzuluojs". Upei daudzi leikumu i vacupu, 50 km puosmā nu Litinis da Jaunpededzis kanalam upe tak lūklūkim. Zamyn nu Litinis upē 1950 godūs pastateita iudiņa spākaine, tok sakryta i tān likvidieta. Kūpā ar Aivīksti, upi cieški sauc par Latgolys i Vydzemis rūbežu.