Latgolys demokratiskuo parteja

Materials nu Vikipedeja
Jump to navigation Jump to search

Latgolys demokratiskuo parteja (latvīšu: Latgales demokrātiskā partija) — vīna nu pošu īteceiguokūs Latgolys parteju piec Latvejis napavaļdeibys atjaunynuošonys (1988). Partejai beja svareiga role latgaliskuos kulturys atdzimšonā i populariziešonā.

Registrāta 1994 g. marta 28 d., partejis pirminīks beja Vaļds Lauskys.

Latvejis 6 Seimys ībolsuošonā 1995 godā pīsadaleja kūpeigā sarokstā ar Latvejis zemnīku savīneibu i Latvejis kristeigūs demokratu savīneibu. Latgolys demokratiskuos partejis saroksts itamā ībolsuošonā beja izcalts Latgolys teritorejā. Kūpeigais saroksts dabuoja 6,3 % bolsu i 8 vītu Seimā.

1999 g. maja 29 d. sasaškeiruse ar Latvejis socialdemokratiskū parteju (tymā pošā Sasaškieršonys kongresā pi LSDSP dasalaide LSDP). Par kūpāsaškiertuos LSDSP pirminīku ībolsuots Juris Bojārs, par juo bīdrim Egīls Baldzēns i Vaļds Lauskys. Saškiertuos partejis bīdru skaits beja vaira kai 3000, i juos popularuma reitings vierseja 20%, aplīcūt vysys cytys tūlaicejuos partejis Latvejā.

Latgolys demokratiskuo parteja davuse daudzi atspaida latgaliskuos kulturys raisteibai - atspaiduojuse gruomotu izlaisšonu latgaļu volūdā, latgaliskuos kulturys sariedīņus Daugpilī i cytur Latgolā.