Narcise

Mežoguo narcise

Narcise (Narcissus) – amariliņu (Amaryllidaceae) saimis auguoju giņts. Giņts pasauka izacāluse nu greku volūdys vuorda narkao - reibeigs; zīdi tur stypru reibeigu smuordu. Daudzigadeigi seipulauguoji. Kuots gars, bez lopu, ar nazcik pamatlopom. Zīdi gona makani, parostai pa vīnam ci pa nazcik kūpā. Sāklys malnys, opolys ci styurainys.

Giņtī ap 50 škiru; vysuvaira aug Vydsjiurys regiona vokoru daļā. Latgolā audzejamys 3 škirys: boltuos aba ailinīku narcisis, pušku i dzaltonuos narcisis (Narcissus pseudonarcissus). Īvaiseitys cīši daudzi škiru i škiru izmeju.

Pasauka [pataiseit]

Senejūs greku mitologejā stuosteits par cīši skaistu jauniekli, kura vuords bejs Narciss. Jis tai sevi mīļuojs, ka apleik nikuo namanejs i vys vierīs iz sova šmukuo vaiga atspeidīņa iudinī. Tok partū dīvi jū nūstruopiejuši i puormejuši par puči, kura sovu zīdu pagrīzuse iz suonu ci zamyn, kaiba vārdamūs iudiņa spīgelī.