Bezsvors

Materials nu Vikipedeja
Puorlēkt da: navigaceja, meklēt
Kosmonaute Marša Aivinsa (Marsha Ivins) ruoda garu motu beszvora pīvadumu kosmosa lellaivā STS-98

Bezsvors (anglīšu weightlessness, latvīšu bezsvara stāvoklis, lītaunīku nesvarumas, krīvu невесомость) – stāte, kuramā lītyns natur svora, t. i. spāks, ar kurū atspaids veic lītynu, leidzynojās nullei. Itaida stāte ceļās tūlaik, kod lītyns breivajā krisšonā, a voi lītyna atspaida padreizīņs teik vīnaids ar breivuos krisšonys padreizīni. Bezsvorā irā sevkurs orbitā palaists kosmiskais aparats, kuruo dzeitivi izslāgti (naskaitūt Zemes atmosferys, Saulis gaismas spīdīņa i ct. samārā mozzeimeigu spāku veicis).

Kod nakod svora gaisšonu jauc ar gravitacejis gaisšonu; irā net sapratīni "nullis gravitaceja" i "mikrogravitacija", tok nu ziniskuo redzīņa itys aptuomeņ. Pīvadumam, var apsavērt Vydtautyskū kosmiskū staceju (VKS), kuruos orbitys augstums apmāram 350 km. Itymā atostumā breivuos krisšonys padreizīņs irā 8,8 m/s², ite viņ par 10% mozuok na pi Zemis viersa. VKS bezsvors ceļās deļ stacejis kusteibys orbitā ar pyrmū kosmiskū dreizumu.