Atašinis pogosts

Atašinis pogosts
Nūvods:	Krystapiļs nūvods
Centrys:	Atašine
Pluots:	243.41 km2
Dzeivuotuoju sk. (2010):	735
Bīzeiba:	3 dz./km2

Atašinis pogosta padūme 2012 gods pavasara mienesī

Atašinis pogosts irā Krystapiļs nūvoda teritoriskais padalīņs Latgolā. Pogostā dora vydsškola, biblioteka i Romys katuoļu bazneica.

Rūbeži

Atašinis pogosts tur rūbežu ar:

• Krystapiļs nūvoda Mežuoris pogostu;
• Leivuona nūvoda Rudzātu pogostu i Turku pogostu;
• Modyunis nūvoda Mātrainis pogostu;
• Ribinišku nūvoda Seiļukolna pogostu;
• Varakļuonu nūvoda Mūrmastinis pogostu i Varakļuonu pogostu.

Dzeivuotuoji

Atašinis pogostā dzeivoj 735 ļauds, nu jū 86% latvīšu, 11% krīvu i 3% cytu tauteibu ļauds. Atašinis pogostā irā pošu mozuo cylvāku bīzeiba Krystapiļs nūvodā, partū ka vaira kai 70% pogosta zemu aizjam meži i pūri.

Solys

Atašinis pogosta ļauds dzeivoj 25 soluos. Pošys leluos solys - Atašine (pogosta centrys), Rejnīki, Truoškys.

Zeimeigi ļauds

• Aija Kukule - dzīduotuoja, muzykys školuotuoja;
• Pīters Babrys - pedagogs, Baļtejis viesturis tāmātuojs ekziļā ASV.

Saimisteiba

Transports i saiteibys

Pogosta teritoreju škārsoj vaļsteibys zeimebys autoceļš Jākubmīsts-Rēzne-Terehova (A12) i Kruoslova-Preili-Modyune (P62), taipoš nazcik vītejuos zeimeibys celi. Atašinis pogostu škārsoj dzeļžaceļa lineja Krystapiļs-Sīnuoja, iz kurys irā staceja Atašine.

Atašinis pogosta teritoreju apkolpoj posta atdaļa - Atašine (LV-5211).

Slavvītys

• Atašinis Suopeiguos Dīvamuotis Romys katuoļu bazneica;
• Mariņdzis piļs i muižys suods;
• Pūdarneica "Zaļbierzis";
• Retro motociklu i senejūs formys aptārpu kolekceja;
• Teiču dobys rezervats.