Kūku pogosts

Materials nu Vikipedeja
Puorlēkt da: navigaceja, meklēt
Kūku pogosts
Kūku pagasts LocMap.png
Nūvods: Krystapiļs nūvods
Centrys: Zylāni
Pluots: 114,5 km2
Dzeivuotuoju sk. (2009): 2 066
Bīzeiba: 18,04 dz./km2
Īstateits: 1945 godā
Kūku pogosta padūme 2012 gods pavasara mienesī

Kūku pogosts irā Krystapiļs nūvoda teritoriskais padalīņs Latgolā. Pogostā dora kulturys noms i biblioteka Zylānu solā i Syunu pamatškola, biblioteka i izstatis zala Kūku solā. Pogosta centrys Zylānūs. Bazneicys ci cierkvys pogosta teritorejā navā.

Viesture[pataiseit]

Viesturiskai Kūku pogosta teritoreja bejuse Daugpiļs apleiciņa Krystapiļs pogostā, kas 1941 godā daškiersts Jākubmīsta apleicinim. 1945 godā Jākubmīsta apleiciņa Krystapiļs pogostā īstateja Kūku solys padūmi. Nu 1949 gods da 1962 godam bejs Krystapiļs rajonā, a nu 1962 goda Jākubmīsta rajonā. 1954 godā Kūku solai daškiera likvidātuos Gromoltu solys kolkoza "Sovetu Latveja" teritoreju. 1963 godā Azarīšu solys kolkoza "Zylāni" teritoreju. 1973 godā daškiera daļu Veipa solys teritorejis, a daļu Kūku solys daškiera Mežuoris solai. Vēļ daļu teritorejis daškiera Mežuorei i 1977 godā.[1] 1990 godā solu reorganizej kai pogostu.[2] 2009 godā kai administrativu teritoreju pogostu daškir Krystapiļs nūvodam.

Rūbeži[pataiseit]

Kūku pogosts tur rūbežu ar:

Doba[pataiseit]

Laukazars zynoms kai vīns nu pošu gīdrūs azaru Latvejā.

Kūku pogosts irā Reitulatvejis zamainē, zeme viļnaina ci ploskona leidzonaine. Pogosta pluots 114,5 km2, nu tuo solsaimesteibai lītojamuo zeme 4829 dekteru, meži 3893 dekteru, pūri i peisi 385, a iudini 749 dekteru. Pogosta teritorejā 327 dekteru pluotu sorgoj "Laukazara dobys parks".

Iudini[pataiseit]

Upis:

Iudiņtveris:

  • Baļteņu azars
  • Baļuotis azars
  • Bisenīku azars
  • Cotlakšu azars
  • Gardauņs
  • Iļdzenīku azars
  • Krešu azars
  • Laksteņu azars
  • Laukazars
  • Namiča azars
  • Nasaulis azars
  • Syuņu azars
  • Vāglānu azars
  • Viļceņu azars

Pūri i peisi:

  • Dryksnys pūrs
  • Putnusolys (Garais) pūrs
  • Ripīšu pūrs
  • Vylku pūrs

Dzeivuotuoji[pataiseit]

Kūku pogostā dzeivoj 878 ļauds, nu jū 73,6% latvīšu, 18,1% krīvu, 3,3% boltkrīvu, 2,7% puoļu, 1% lītaunīku.[3]

Solys[pataiseit]

Kūku pogosta ļauds dzeivoj 61 solā.[4]

Zeimeigi ļauds[pataiseit]

Saimisteiba[pataiseit]

Transports i saiteibys[pataiseit]

Pogosta teritoreju škārsoj vaļsteibys zeimebys autoceļš Reiga-Daugpiļs-Puotarnīki (A6) i Jākubmīsts-Rēzne-Terehova (A12), taipoš nazcik vītejuos zeimeibys celi.[5] Kūku pogostu škārsoj div dzeļžaceļa linejis Reiga-Daugpiļs (staceju ci nūstuošonu pogosta teritorejā navā) i Krystapiļs-Sīnuoja, iz kurys vīna staceja "Kūki".

Kūku pogosta teritoreju apkalpoj vīna posta atdale Kūki (LV-5222).[6]

Slavvītys[pataiseit]

Nūruodis[pataiseit]

  1. Okupātuos Latvejis administrativi teritoriskais dalejums. Latvejis Vaļsteibys arhivu generaldireceja. Reiga, 1997. ISBN 9984-9256-0-9
  2. Latvijas pagasti. Enciklopēdija. A/S Preses nams, Rīga, 2001-2002 ISBN 9984-00-412-0
  3. Kūku pogosts, Krystapiļs nūvoda teiklavīta
  4. LĢIA vītvuordu datubaza
  5. Latvejis vaļsteibys golvonī autoceli
  6. Latvejis posta iņdeksu gruomota