Pryušu mitologeja beja sanū pryušu religeja, kas beja baļsteita iz dažaidom ļegendom. Itei mitologeja beja izplateita Pryusejis nūvodā, kas myusdīnuos iraid vairuoku vaļsteibu teritoreja, Lītovys, Puolejis i Krīvejis. Tei pa mozam suoka izzust kod 13 godu simteņa suokumā, pryušim nuocuos ceineitīs pret Zūbynbruoļu ordini.[1] Ļeidz myusdīnom paļics cīši moz informacejis por pryušu mitologeju. Vairums nu tuos atrūdams vin 16 godu simteņa gruomotā „Sudovu gruomoteņa” (vuocīšu: Sudauer Büchlein, lītaunīku: Sūduvių knygelė), kurā beja sastuodeits pryušu dīvu saroksts i apraksteitys jū tradicejis.
.jpg)
Lītova
