Preiļu sīrs

Materials nu Vikipedeja

A/s „Preiļu sīrs” (latvīšu: A/S „Preiļu siers”) — leluokais sīra pīgatavātuojs i eksportātuojs Latvejā. Pīna puordaris pasajāmums Preiļūs tyka īstateits 1972. godā i dorbuojuos kai pasajāmuma „Daugpiļs pīna kombinats” filials. Agruok tī taisieja svīstu i sīru. Laika guojumā produkcejis sortiments puormeits iz industrialuo pīna produkceji.

Viesture[pataiseit | labot pirmkodu]

1972. goda nojabra m. 30. dīnā tyka dabeigta dareitovys būdaveiba ar pīgatavis veici 2200 t sīra godā.

1978. godā dareitova taisieja vaira kai 3000 t sīra godā.

1980. godā tyka likti pamati Preiļu sīra dareitovys paleigsaimesteibai.

1981. godā tyka rekonstruēts dareitovys sīra ceks. Tyka pastateita dāņu firmys Passilak sīra pīgatavis lineja ar veici 3650 t godā.

1983. godā dareitovys veice ira 5300 t sīra godā.

1986. goda labeibys m. 1. dīnā Preiļu sīra dareitova tyka daškierta agrofirmys „Красный Октябрь” sadorā i produkceji eksportieja iz Krīveju.

Nu 1986. goda pebreļa m. 16 dīnys pastuov sīra dareitovys polklora ansambļs „Mūdernīki” Juoņa Teilāna vierseibā.

1991. goda janvara mienesī dareitova izstuoja nu agrofirmys i palyka kai sovrūčs vaļsts pasajāmums.

1994. goda apreļa m. 14. dīnā iz vaļsts pasajāmuma Preiļu sīra dareitovys buozis tyka īstateita akceju sabīdreiba Preiļu sīrs. Pasajāmums paplata sovu sortimentu. 80% sovys produkcejis eksportej iz Daneju, Holandi, Igauneju, Krīveju.

1999. godā modernizieja autotransportu i sīra „Čedars” pīgatavis lineju ar daņu firmys Damrow paleigu. Lineja taisa 2 t sīra stuņdē. Atdareita jauna puordūtuve Preiļūs i suokta jogurta pīgatave.

Produkceja[pataiseit | labot pirmkodu]

Pasajāmuma golvonī produkti:

  • cītais sīrs (da 20 000t sīra godā)
  • sausī produkti – sīra syukolu, pīna, vuojiņa, paneju puļviers (da 15 000t sausū produktu godā)

AS Preiļu sīrs ira vīneigais sīra atmejis „Čedars” pīgatavātuojs na tik Latvejā, bet i Baltejā. Cyta pasajāmuma produkceja ira: sīri „Baltija”, „Preilis” i bīzapīna sīreņi „Mazulis”.

Teiklavītys[pataiseit | labot pirmkodu]