Neicgaļa Lelais akmiņs
Neicgaļa Lelais akmiņs aba Neicgaļa Boltais akmiņs — diervakmiņs Neicgaļa pogostā, vysuleluokais akmiņs Latgolā i vysā Latvejis Republikys teritorejā.
Akmiņs atsaguļs Daugpiļs nūvoda Neicgaļa pogostā, meža ceļu kristcelēs 6 km iz R nu Neicgaļa dzeļžaceļa stacejis. Jis labi īsalej apleicejā zemisvierīnī, papylda jū ar sovu sovpateigū formu. Akmiņa viersā izlauzta lela sproga, suonā īkolti 3 pakuopīni.
Māri:
- garums – 10,5 m;
- plotums – 10,4 m;
- augstums – 3,50 m;
- apleikmārs – 31,1 m;
- vydums – 170 m3.
Akmiņs aptykts Neicgaļa mežu dzilīnē ap 1812 godu, tok itymā vītā stuoviejs godu tyukstūšys. Guodojams, ka jū atness laduojs - akmiņs irā labi saopoluojs, saškailuojs, leļkristaliskys rapakivi granita blučs. Valkūt rūbežu iz vyds Neicgaļa i Kolupa pogostu, akmiņs izlītuots kai rūbeža zeime. Nu 1977 gods jis apsorgojams kai vaļstiskuos zeimeibys dobys pīminieklis.
Daugpiļs apleicinī aizraksteitī pīstuoški viestej, ka Valns saguoduojs aizdambēt Daugovu i atrads cīši lelu akmini. Jis bejs par lels i par gryuts, partū izkrits Valnam nu rūku i palics guļūt tī, kur irā vēļ šudiņ.