Medņovys pogosts
| Medņovys pogosts | |
|---|---|
| Nūvods: | Vileks nūvods |
| Centrys: | Semanova |
| Pluots: | 99.28 km2 |
| Dzeivuotuoju sk. (2016): | 696[1] |
| Bīzeiba: | 7 dz./km2 |
| Īstateits: | 1945 godā |
Medņovys pogosts irā Vileks nūvoda teritoriskais padalīņs Latgolā. Pogosta centrys Semanovā. Pogostā dora Viduču pamatškola, pyrmaškoliņs īstots, biblioteka, tautys noms, apleicis vuiceibys centrys, jaunīšu centrys "Sauliszīds" i invalidu sporta i rehabilitacejis centrys. Bazneicu ci cierkvu pogosta teritorejā navā.
Viesture
[pataiseit | labot pirmkodu]1945 godā Abrinis apleiciņa Vileks pogostā īstateja Medņovys solys padūmi. Medņovys sola bejuse Vileks apleicinī (1945-1949), Abrinis rajonā (1949-1959) i Bolvu rajonā (nu 1959 gods). 1954 godā Medņovai davīnova likvidātū Vyduču solu.[2] 1990 godā solu reorganizej kai pogostu.[3] 2009 godā kai administrativu teritoreju pogostu daškir Vileks nūvodam.
Rūbeži
[pataiseit | labot pirmkodu]Medņovys pogosts tur rūbežu ar:
- Vileks nūvoda Susāju pogostu, Škilbānu pogostu, Vacumu pogostu i Vileks mīstu;
- Bolvu nūvoda Barzkolna pogostu i Lozdulejis pogostu.
Doba
[pataiseit | labot pirmkodu]Pogosta vokoru daļa irā Reitulatvejis zamainis Atzolys pacylumā, a reitu daļa Mudovys zamainis Abrinis pacyluma pazamynuojumā. Pošu augstuo kaupre - Kanguru kolns (144 m vjl) pogosta dīnavydūs, Kanguru solā. Klimats koņtinentals. Gaisalaiks, samārojūt ar cytim Latgolys pogostim gon buorgs. Solsaimesteibai lītojamuo zeme sadora 37% pogosta teritorejis, a meži 50,9% pogosta zemu.[4]
Iudini
[pataiseit | labot pirmkodu]Upis:
- Bušma
- Guorova
- Ludumka
- Keira
- Nīdrupeite
- Iļzeņu azars (3,1 dekters)
- Lodumys azars (2,6 dekteri)
- Raču azars (1 dekters)
Pūri i peisi:
- daļa nu Leluo pūra
- Kļučnīku pūrs (31,8 dekteri)
- Olūtovys pūrs (55,3 dekteri)
Dzeivuotuoji
[pataiseit | labot pirmkodu]Medņovys pogostā dzeivoj 790 ļauds, nu jū 95% latvīšu, 4% krīvu i 1% cytu tauteibu ļauds.[5] Administrativajuo centrā Semanovā dzeivoj 30% pogosta ļauds.
Solys
[pataiseit | labot pirmkodu]Medņovys pogosta ļauds dzeivoj 31 solā.[6] Pošu leluos solys - Semanova (pogosta centrys), Rači, Vyduči.
Zeimeigi ļauds
[pataiseit | labot pirmkodu]- Kazimirs Duļbinskais — bazneicnīks, Romys katuoļu veiskups.
Saimisteiba
[pataiseit | labot pirmkodu]Transports i saiteibys
[pataiseit | labot pirmkodu]Pogosta teritoreju škārsoj vaļsteibys zeimebys autoceļš Vileks-Kuorsova (P45), a iz rūbeža ar Vacumu pogostu īt autoceļš Guļbine-Bolvi-Vileks-Krīvejis rūbežs (P35). Taipoš pogostā nazcik vītejuos zeimeibys celi.[7] Dzeļžaceļa linejis pogosta teritoreju naškārsoj.
Medņovys pogosta teritoreju apkalpoj vīna posta atdale "Medņova" Semanovys solā (LV-4586).[8]
Slavvītys
[pataiseit | labot pirmkodu]- Medņovys vydslaiku kopi
Nūruodis
[pataiseit | labot pirmkodu]- ↑ Latvejis dzeivuotuoju skaits pošvoldūs 01.01.2016.
- ↑ Okupātuos Latvejis administrativi teritoriskais dalejums. Latvejis Vaļsteibys arhivu generaldireceja. Reiga, 1997. ISBN 9984-9256-0-9
- ↑ Latvijas pagasti. Enciklopēdija. A/S Preses nams, Rīga, 2001-2002 ISBN 9984-00-412-0
- ↑ Medņovys pogosts Vileks nūvoda teiklavītā
- ↑ Medņovys pogosts Vileks nūvoda teiklavītā
- ↑ LĢIA vītvuordu datubaza
- ↑ Latvejis vaļsteibys regionalī autoceli
- ↑ Latvejis posta iņdeksi
|
Itys rakstīņs napiļneigs. Jius varit dūt sovu īlicīni Vikipedejā, papiļdūt tuo. |
