Krupnīks
Krupnīks - virīņs nu galis, ozbora i buļbu, latgaļu nacionalais iedīņs.
Sataiseišonys parāds
[pataiseit | labot pirmkodu]- cyukys gale
- cybuļs
- buļbis
- ozbors
- pypyri
- suoļs
- zaļumi
- kriejums
Cyukys gali ar kaulenim nūskoloj, līk vardpūdā ar soltu iudini. Aizvard, nūsmeļ putys, damat suoļa, īlīk vasalu nūlaupeitu cybuli i iz mozys līsmeitis vard buļjonu. Kod gaļa kuoni meiksta, damat ozbora. Šaļti pavard, tūlaik daber sagrīztys buļbis. Iz gola damat vēļ moltus malnūs pypyrus, sokopuotus zaļumus (kropus, pīterzuoli, zaļūs cybuleišus), samaisa i nūceļ nu guņs.
Nu virīņa izjam kauleņus, nu jūs nūskrubynoj gali i sagrīztu īlīk atpakaļ virīnī. Da goldam padūd ar kriejumu.