Konstaņtinovys pogosts
| Konstaņtinovys pogosts | |
|---|---|
| Nūvods: | Dagdys nūvods |
| Centrys: | Konstaņtinova |
| Pluots: | 79,1 km2 |
| Dzeivuotuoju sk. (2010): | 601[1] |
| Bīzeiba: | 7.6 dz./km2 |
| Īstateits: | 1971 godā |
Konstaņtinovys pogosts irā Dagdys nūvoda teritoriskais padalīņs Latgolā. Pogostā dora tautys noms, biblioteka, feļčeru punkts. Konstaņtinovā dora pamatškola, a Aleksandrovā specialuo internatškola.
Viesture
[pataiseit | labot pirmkodu]Viesturiskai Konstaņtinovys pogosta teritorejā da 1920 zemis reformai beja Daugpiļs apleiciņa Aleksandrovys, Ignatovys, Konstaņtinovys, Magnusovys i Sivergola muiža.[2] 1971 godā Kruoslovys rajonā saškir Aulejis, Dagdys i Ignatovys sovetu saimisteibys "Iskra" zemis, īstotūt Iskrys solu. 1979 god`a Iskrys solai davīnova daļu likvidātuos Jaunokrys solys.[3] 1990 godā solu reorganizej kai pogostu i tymā pošā godā pasauc par Konstaņtinovys pogostu.[4] 2009 godā kai administrativu teritoreju pogostu daškir Dagdys nūvodam.
Rūbeži
[pataiseit | labot pirmkodu]Konstaņtinovys pogosts tur rūbežu ar:
- Dagdys nūvoda Dagdys pogostu, Ondrupinis pogostu i Osyuna pogostu;
- Kruoslovys nūvoda Aulejis pogostu, Pūstinis pogostu i Skaista pogostu.
Doba
[pataiseit | labot pirmkodu]Konstaņtinovys pogosts atsarūn Latgolys augstainis Dagdys kauprainē, zeme viļnaina. Pogosta pluots 79,1 km2, nu tuo solsaimesteibai lītojamuo zeme 4225,1 dekteru, meži 2776,9 dekteru i kriumuoji 106,8 dekteru.[5] Pogostā 1999 godā īstateits dobys nūlīgtiņs "Ojuota azars", taipoš lela daļa Sivera pussolys irā sorgojamuo dobys teritoreja.
Iudini
[pataiseit | labot pirmkodu]Upis:
- Dzagyuze
- Mozuo Dubna
- Nartišu gruovs
- Noviku gruovs
- Kupra azars - 7,5 dekteru
- Lubuoneņš
- Ojuots - pošleluo dzilīne 40,5 m (6 pa dzilīnei Latvejā)
- Prudiņka
- Saldu azars - 1,6 dekteru
- Sylazars - 6 dekteri
- Škierzlots
Zeimeigu pūru i peisu pogostā navā.
Dzeivuotuoji
[pataiseit | labot pirmkodu]Konstaņtinovys pogostā dzeivoj 601 ļauds, nu jū 62,2% latvīšu, 23,6% krīvu i 8,3% cytu tauteibu (boltkrīvu, puoļu i cytu). Lelums pogosta dzeivuotuoju katuoli. Dora napalela katuoļu parapeja, tok ļauds pīdartaipoš i Dagdys ci Kruoslovys katuoļu bazneicom.
Solys
[pataiseit | labot pirmkodu]Konstaņtinovys pogosta ļauds dzeivoj 31 soluos.[6] Pošu leluos solys - Konstaņtinova, Aleksandrova, Eisaki, Sivergols, Nartiši.
Saimisteiba
[pataiseit | labot pirmkodu]Transports i saiteibys
[pataiseit | labot pirmkodu]Pogosta teritoreju škārsoj vaļsteibys zeimebys ceļš Kruoslova-Dagda (P61), taipoš sative nūteik pa nazcik vītejuos zeimeibys celim. Dzeļžaceļa linejis pogostā navā.
Konstaņtinovys pogosta teritoreju apkalpoj vīna posta atdale "Kriumuoji" Konstaņtinovys solā (LV-5680).[7]
Nūruodis
[pataiseit | labot pirmkodu]- ↑ Latvejis dzeivuotuoju skaits pošvoldūs 01.07.2010.
- ↑ Latvīšu konversacejis vuordineicys XIV. siejuma 28092-28097 ailis. Reiga, 1936 gods
- ↑ Okupātuos Latvejis administrativi teritoriskais dalejums. Latvejis Vaļsteibys arhivu generaldireceja. Reiga, 1997. ISBN 9984-9256-0-9
- ↑ Latvijas pagasti. Enciklopēdija. A/S Preses nams, Rīga, 2001-2002 ISBN 9984-00-412-0
- ↑ Latvijas pagasti. Enciklopēdija. A/S Preses nams, Rīga, 2001-2002 ISBN 9984-00-412-0
- ↑ LĢIA vītvuordu datubaza
- ↑ Latvejis posta iņdeksu gruomota
|
Itys rakstīņs napiļneigs. Jius varit dūt sovu īlicīni Vikipedejā, papiļdūt tuo. |
