Kūkles

Materials nu Vikipedeja
Jump to navigation Jump to search
Latvejis posta 2014. goda postmarka, uz kurys paruodeitys 11-steigu Latgolys kūkles
Kūklātuoja Laima Jansone

Kūkles (latvīšu: kokles) aba kūkle (kokle) irā vacs latvīšu steigu muzykys instruments ar radneigim instrumentim Baļtejis jiuras dīnavydaustrumu apleicīnē — lītaunīku kanklem (kanklės), igauņu kanneli (kannel), lībīšu kāndlu, suomu kanteli (kantel) i krīvu gusļim (гу́сли). Kūklem irā diveji veidi — Latgolys aba „lelās” kūkles ar 7—11 steiguom (vysbīžuok 9) i „spuornu” — kūklys korpusa pagarinūjomu piec tapeņu linejis — i Kūrzemys aba „mozās” kūkles ar 5—7 steiguom.[1]

Nu 2003. goda par gūdu pazeistomojam latgaļu kūkļu meistaram Donatam Vucynam bīdreiba „Latgaļu sāta” kotru godu Dekšuoru pogosta „Madžuļūs” reikū kūklātuoju saītu, kur īsarūd kūklātuoji i kūkļu entuziasti nu vysys Latvejis.[2][3]

Tautysdzīsmuos[pataiseit | labot pirmkodu]

Mallns kraukļeits lìpâ séd,
Zelta kùkļes rùceņâ.
Pavaìcòju uz kraukļeiti:
Kur nùvede mun' mòseņu?
Ti nùvede tov' mòseņu
Par dziļim iudiņím,
Sermi zyrgi, raibi deči,
Paraksteitas kamaneņas.
13610-2

Kam tòs kùkles skaiški skan
Myglútâ reiteņâ?
Skait', mameņ, sav' déleņus,
Vaj ji visi reiteņâ.
Visi ji, visi ji,
Pastaŗéša vín navá,
Pastaŗéts jeùreņâ
Boltu putu gobolâ.
30766-1

Pìguļnìki savvaļnìki
Nùcàrt zaļu ùzuļeņu;
Nu çeļmeņa kùkles škéļe,
Nu zareņa stabuļeitis.
30189-2

Nūruodis[pataiseit | labot pirmkodu]

Commons:Category
Vikitekā ap itū temu irā dabojami faili. Verīs: Kūkles
  1. Vaļds Muktupuovuls (1999). „Latvīšu muzykys instrumentu sistemātika” (latvīšu volūdā). Latvejis Muokslas augstskūlu asociaceja. 96.—97. lpp. Viereits: sulu mieneša 25. dīnā, 2017. godā
  2. Kur kūklātuojs, tī breivs gors. Atsavieršona iz IX Kūklātuoju saītu Latgolā” (svacainis mieneša 22. dīna, 2012. godā). Latgalīšu Kulturys Gazeta. Veireits: sulu mieneša 25. dīnā, 2017. godā
  3. Atsaverūt iz X kūklātuoju saītu” (leita mieneša 2. dīnā, 2013. godā). Latgalīšu Kulturys Gazeta. Veireits: sulu mieneša 25. dīnā, 2017. godā

Uorejuos nūruodis[pataiseit | labot pirmkodu]