Jevģenijs Urbanskis

Materials nu Vikipedeja
Jump to navigation Jump to search

Jevğēnijs Urbanskis (krīvu: Евгений Яковлевич Урбанский) (pīdzims 1932 goda svacainis m. 27.d - nūmyrs 1965 goda solnys m. 5.d) - beja padūmu kina i teatra aktīrs, labi zinuoms piec sovys lūmys filmā "Komunists".

Dzeive[pataiseit | labot pirmkodu]

Dzimis Moskovā, partejis darbinīka Jakova Urbanska (1904—1958) i teļefonistis Poļinys Urbanskys (1906—1991) saimī, Jevģēnijs Urbanskis kļuva por aktīri vuiceibu laikā Školā-studejā MHAT, kuru jis pabeidze 1957 godā.[1] Juo tāvs beja represāts 1938 godā i kaidu laiku Urbansku saime dzeivova mīstā Inta, Komi republikā.

Dorbs[pataiseit | labot pirmkodu]

Urbanska karjerai beja cīši veiksmeigs suokums. Jis beja golvonais varūņs 1957 goda filmā "Komunists",[2] kura piec goda sajēme gūda diplomu Venecejis kinofestivalā. Filma cīši patika padūmu skateituojim i tys paļeidzieja Urbanskim īmantuot skateituoju ļūbesteibu. Piec veiksmeiguos debijys, Urbanskis turpinova aktīvi struoduot pi teatra lūmom ļeidz 1958 godā jam tyka pīduovuota golvonuo lūma Gregora Čuhraja filmā "Balāde por karaveiru".[3] 1960 godā Urbanskis nūspēļēje golvonū lūmu veļ vīnā Čuhraja filmā "Teiruos debess". Filma beja cīši populāra Padūmu Savīneibā i ļeidz myusu dīnom tei iraid vīna nu skateituokojom padūmu filmom ar 41,3 miļjonim skateituoju.

Urbanska aktīra karjera beja veiksmeiga, tūmār eisa i apruovuos jei traģiski 33 godu vacumā, kod jis pīsadaļeja filmys "Direktors" uzjimšonā. Vīnā nu epizodem jam beja juobrauc krovys mašinē i juoizpiļdej griuts triks, kod mašinei beja juopalac virs smiļšu paugurim. Ūtruo dubļa laikā mašiņe avareja i aktīrs nūmyra pa ceļam uz sļimneicu.[4]

Nūruodis i olūti[pataiseit | labot pirmkodu]

Teiklavītys[pataiseit | labot pirmkodu]