Ješs

Materials nu Vikipedeja
Jump to navigation Jump to search
Ješs
250px
Ješa azars pi Bukmuižys – Aņdzeļu ceļa
Ješs (Latveja)
Ješs
Ješs
Koordinatys: 56°10′N 27°35′E /  / 56.167; 27.583Koordinatys: 56°10′N 27°35′E /  / 56.167; 27.583
Nūvods Dagdys nūvods
Pluots 10 km²
Pošlelais garums 8,2 km
Vydyskuo dzilīne 6,4 m
Pošleluo dzilīne 21,0 m
Augstums vjl 169,4 m
Iztece Narūta
Satecis baseins 120 km²
Baseina vaļsteibys Latveja
Azarsolys 33-36

Ješa azars aba Ješs – azars Latgolys dīnavydu daļā, Dagdys nūvoda Bukmuižys i Aņdzeļu pogostūs. Tur vysuvaira azarsolu par vysim Baļtejis vaļsteibu azarim. Ješam i juo apleicīnei soveigi daili vierīni.

Nu 1928 gods azars vaļsteibys apsardzeibā kai dobys pīminieklis. Nu 1977 da 1999 godam Ješa azarsolys īguoja botaniskajā nūlīgtinī "Ežezera salas", nu 1999 da 2004 godam – dobys nūlīgtinī "Ežezers", nu 2004 g. – Rāznys dobys parkā. Nu 2006 gods azars īslāgts Rāznys nacionaluo parka teritorejā.

Azarmalis linejis garums – 39,5 km, a kūpā ar azarsolu molys lineju – vaira kai 50 km. Azarmalis kur lāvys, a kur stuovonys. Iztak Narūta – pi Daugovys baseina pīdarūša upe. Dybyns akmiņuots i smiļkšuots, kur nakur 0,5 – 1 m bīzs dyunis kluoškys.

Pa izškireigim saskaitejumim, Ješs tur 33 – 36 eistynuos azarsolys (jūs kūpeigais pluots 77,6 gekteri) i ap 70 azarsalom leidzeigu sataisejumu, puse nu jūs – nīdrom i stībrim apauguši saklumi. Šimanska pussolā īriedeita atpyutys baza. Daudzums eistynūs azarsolu irā azara pūstumreitu daļā, poša leluokuo nu jūs – Leluo Luoča azarsola (pluots 45 ha). Da XX gs. 70-tūs godu iz ituos azarsolys beja apleicīnis vysuvacuokuo vīnsēte ar kūka kuormim, stateitim bez noglu.

Ješā aptyktys 18 – 24 zyvu škirys: leidaka, asars, zuts, leiņs, karušs, keiss, škaunadze i ct. Azars zvejis zinē cīši sūrmeigs.


  • Leluokuos Ješa azarsolys
    • Ankaru azarsola
    • Apšu azarsola (pluots 2,7 ha)
    • Ješa azarsola aba Ješauka (3,2 ha)
    • Kozu azarsola
    • Kromanova azarsola
    • Kuorklu azarsola (1,4 ha)
    • Kupra azarsola
    • Leluo Luoča azarsola (vysuleluokuo, 46 ha)
    • Leluo Tylta azarsola (3 ha)
    • Leluo Teļu azarsola (2,7 ha)
    • Leluo Vušku azarsola
    • Līpu azarsola (1,1 ha)
    • Mīlys azarsola
    • Mozuo Teļu azarsola
    • Opoluo azarsola (1,2 ha)
    • Paričku azarsola
    • Putnu azarsola
    • Rešetnīku azarsola
    • Sīna azarsola (2,8 ha)
    • Vylkaste (1 ha)
    • 1 Zujoka
    • 2 Zujoka
    • 3 Zujoka
    • 4 Zujoka