Ņukšu pogosts
| Ņukšu pogosts | |
|---|---|
| Nūvods: | Ludzys nūvods |
| Centrys: | Ņukši |
| Pluots: | 68,52 km2 |
| Dzeivuotuoju sk. (2010): | 515[1] |
| Bīzeiba: | 7.5 dz./km2 |
| Īstateits: | 1945 godā |
Ņukšu pogosts irā Ludzys nūvoda teritoriskais padalīņs Latgolā. Pogostā dora tautys noms, biblioteka, feļčeru punkts. 2011 godā Ņukšu pamatškolu davīnova Pyldys pamatškolai i tān pogosta teritorejā nivīna vuiceibu īstota navā.
Viesture
[pataiseit | labot pirmkodu]Viesturiskai Ņukšu pogosta teritoreja bejuse Ludzys apleiciņa Pyldys pogostā. 1945 godā Pyldys pogostā īstateja Nukšys solys padūmi. 1954 godā solai davīnova likvidātū Purynu solu, a 1975 godā nūtyka zemu puorsameišona ar Gaveiku solu.[2] 1990 godā solu reorganizej kai pogostu.[3] 2009 godā kai administrativu teritoreju pogostu daškir Ludzys nūvodam.
Rūbeži
[pataiseit | labot pirmkodu]Ņukšu pogosts tur rūbežu ar:
- Ludzys nūvoda Pyldys pogostu, Purynu pogostu i Vysnovys pogostu;
- Rēznis nūvoda Kaunotys pogostu i Stolerovys pogostu.
Doba
[pataiseit | labot pirmkodu]Ņukšu pogosts atsarūn Latgolys augstainis Rāznovys kauprainis pūstumu molā. Pogosta pluots 68,52 km2, nu tuo solsaimesteibai lītojamuo zeme vaira kai 3 tyukstūšys dekteru, meži 2050 dekteru i kriumuoji 110 dekteru.[4] Pogostā 1999 godā 1999 godā īstateits dobys nūlīgtiņs "Pyldys azars", četrys Pyldys azarsolys irā vaļsteibys sorgojamī dobys pīminiekli jau nu 1924 gods (tān sorgoj 5 azarsolys).
Iudini
[pataiseit | labot pirmkodu]Upis:
- Gaveiku upeite
- Iļža
- Kozupe
- Leičupeite
- Leidiukšņa
- Pylda
Pogosta teritorejā 13 azaru. Pošleluos Iudiņtveris:
- Bečeru azars - 10,8 dekteri
- Gaveiku azars
- Lelais Peisaiņs
- Lelais Zurzu azars - 77,2 dekteri
- Mozais Zurzu azars - 55,8 dekteri
- Opolais Snidzins - 46,9 dekteri
- Pyldys azars - 295 dekteri
- Sleinovys azars - 25,5 dekteri
- Stolonu azars
Pūri i peisi:
- Ziļu pūrs
- Čyžyku pūrs
Dzeivuotuoji
[pataiseit | labot pirmkodu]Ņukšu pogostā dzeivoj 515 ļauds, nu jū 68,4% latvīšu, 26,6% krīvu i 1,4% boltkrīvu. Lelums pogosta dzeivuotuoju katuoli, pīdar Pyldys katuoļu parapejai (Pyldys bazneica atsarūn Ņukšu solā).
Solys
[pataiseit | labot pirmkodu]Ņukšu pogosta ļauds dzeivoj 41 soluos.[5] Pošu leluos solys - Belomoiki, Gaveiki, Juzefinova, Ņukši, Pylda.
Zeimeigi ļauds
[pataiseit | labot pirmkodu]- Juoņs Unda - muokslinīks;
- Anatolejs Gorbunovs - politiks, bejs Sativis ministrs;
- Lideja Jankovska - izsliva rūkdarbineica, nazcik paruožu dalineica.
Saimisteiba
[pataiseit | labot pirmkodu]Transports i saiteibys
[pataiseit | labot pirmkodu]Pogosta teritoreju škārsoj vaļsteibys zeimebys ceļš Kuorsova-Ludza-Bukmuiža (P49), kas irā dale nu ceļu projekta "Reitu styga". [6] Taipoš sative nūteik pa nazcik vītejuos zeimeibys celim. Dzeļžaceļa linejis pogostā navā.
Ņukšu pogosta teritoreju apkalpoj vīna posta atdale "Ņukši" pogosta centrā (LV-5730).[7]
Slavvītys
[pataiseit | labot pirmkodu]- Pyldys azara dobys nūlīgtiņs;
- Pyldys muiža, pastateita 19 godusymtā;
- Sleinovys paegle, apleikmārs 1,65 m, augstums 10 m;
- Svātuo Pītera i Puovula Romys katuoļu Pyldys bazneica, kuramā izaglobuojuši obruozi nu 17.-18. godusymta.
Nūruodis
[pataiseit | labot pirmkodu]- ↑ Latvejis dzeivuotuoju skaits pošvoldūs 01.07.2010.
- ↑ Okupātuos Latvejis administrativi teritoriskais dalejums. Latvejis Vaļsteibys arhivu generaldireceja. Reiga, 1997. ISBN 9984-9256-0-9
- ↑ Latvijas pagasti. Enciklopēdija. A/S Preses nams, Rīga, 2001-2002 ISBN 9984-00-412-0
- ↑ https://web.archive.org/web/20111018091521/http://www.ludzasbiblio.lv/lv/vecaks/pilsetas-pagasti-novadi/uksu-pagasts Ludzys biibliotekys datubaza
- ↑ LĢIA vītvuordu datubaza
- ↑ Latvejis vaļsteibys regionalī autoceli
- ↑ Latvejis posta iņdeksu gruomota
|
Itys rakstīņs napiļneigs. Jius varit dūt sovu īlicīni Vikipedejā, papiļdūt tuo. |
