Varīšu pogosts

Varīšu pogosts
Nūvods:	Krystapiļs nūvods
Centrys:	Varīši
Pluots:	148.26 km2
Dzeivuotuoju sk. (2010):	1245
Bīzeiba:	8.4 dz./km2
Īstateits:	1945 godā

Varīšu pogosts irā Krystapiļs nūvoda teritoriskais padalīņs Latgolā. Pogostā dora Antužu i Varīšu tautys noms, Antužu i Medņu biblioteka, Antužu specialuo internatpamatškola i Līpenis pamatškola, Varīšu pyrmaškoliņs īstots.

Rūbeži

Varīšu pogosts tur rūbežu ar:

• Krystapiļs nūvoda Krystapiļs pogostu, Kūku pogostu i Mežuoris pogostu;
• Jākubmīstu;
• Modyunis nūvoda Kolsnovys pogostu i Ļaudūnis pogostu;
• Pļaveņu nūvoda Aivīkstis pogostu.

Dzeivuotuoji

Varīšu pogostā dzeivoj 1245 ļauds, nu jū 82% latvīšu, 12% krīvu, 3% puoļu, 2% boltkrīvu i 1% cytu tauteibu ļauds.

Solys

Varīšu pogosta ļauds dzeivoj 44 soluos. Pošu leluos solys - Varīši (pogosta centrys), Antuži, Kalnagoli, Medni.

Zeimeigi ļauds

• Aina Ķāve - Jākubmīsta agrobiznesa koledžys školuotuoja 50 godu, koledžys muzeja viersineica;
• Aļberts Caune - literats i mežu tāmātuojs.

Saimisteiba

Transports i saiteibys

Pogosta teritoreju škārsoj tik vītejuos zeimeibys celi - Jākubmīsts-Antūži-Medni (V782), Modyune-Ļaudūne-Jākubmīsts (V841) i cyti mozuoki. Dzeļžaceļa linejis pogosta teritoreju naškārsoj, tok tyvuokuos stacejis tik 10 km atstotumā nu pogosta centra ("Krystapiļs" i "Kūki").

Varīšu pogosta teritoreju apkalpoj vīna posta atdale "Varīši" (LV-5236).

Slavvītys

• Aivīkstis dolomita karjers;
• Livonejis laika piļskrytys;
• Ungurnuižys ļutaru bazneicys sakrytys;
• Vāguļu rūbežakmiņs - Vydzemis i Latgolys rūbežu zeime.