Saulis kolni

Materials nu Vikipedeja
(Puoradresēts nu Sauliskolns (Sauleskalns))
Jump to navigation Jump to search
Fails:Vierins nu Saulis kolnu.jpg
Vierīņs nu Saulis kolnu

Saulis kolni — kaupru puors Latgolys dīnavydūs, Latgolys augstainē, Kruoslovys nūvoda Kumbuļa pogostā, Kruoslovys – Dagdys ceļa reitu pusē, pi Dreidža azara. Vīna nu pošsvareiguokūs senejūs latgaļu svātvītu. Nūmīļuots turizma objekts (tok sovetu laikā panycynuots i itamā šaļtī aplaists).

Augstuokuos nu diveju viersyuņu vyscaureigais augstums – 211 m augšuok jiuru leidzīņa, samiereigais augstums (augšuok apleicīnis) – 60 m. Nu Saulis kolnu viersyuņu var īsavērt vaira kai 20 apleicejūs azaru (Dreidzs, Jūdazars, Guļbeits, Aulejis azars, Gauslis, Plauds, Zosna, Sivers, Kaušs, Pūrs, Dybyns, Lejs, Cārmyns, Iļzeits, Zyrga azars, Uordavs i ct.).

Pasauka[pataiseit | labot pirmkodu]

Saulis kolnu apleicīnis vacūs audžu dzeivuotuoji runoj ap "Saulis kolnim" (divejim) i dobā radzamys obadivejis viersyunis, tok oficialajā literaturā latvīšu volūdā klaideigai īsaguojuse pasauka vīnskaitā (latvīšu vol. Sauleskalns).

Saulis kolni kai vīna nu golvonūs senejūs latgaļu svātvītu īīt objektu kompleksā ar vērtini poguoniskai kulta vītai soveigu pasauku – Saulis kolni, Dīva duorzs, Jūdazars, Valnazars, Saulis azars i ct.