Sarja

Materials nu Vikipedeja
(Puoradresēts nu Sarjanka)
Jump to navigation Jump to search
Sarja
Sar'yanka River.jpg
Latgolys upu zemislopys Sarjanka.PNG
Kulturviesturiskais nūvods Latgola
Iztaka Bižys azars
Ītaka Daugova
Baseina vaļsteibys Latveja, Boltkrīveja
Satecis baseins 1047 km²
Cartecis vaļsteibys Latveja, Boltkrīveja
Garums 77 km (Latvejā 50 km)
Iztakys augstums 172,2 m vjl
Nūkritīņs 63  m
Gods puorteciejums 0,25  km³
Zeimeiguokuos datakys Čaušeica, Osyuneica, Turja, Voļčica
Dzeivojamys vītys upmalē Sarja (Boltkrīvejā)

Sarja [1] (latvīšu: Sarjanka, boltkrīvu: Сар’янка) - upe Latgolā i Boltkrīvejā, Daugovys lobuos upmalis dataka. Tak car Dagdys nūvodu i Ludzys nūvodu Latvejā i Vicebskys apgabaļa Drysys (Verhņadzvinskys) rajonu Boltkrīvejā. Iztak nu Bižys azara Rundānu pogostā. Latvejis teritorejā upe 15 km garumā melioriāta, a Boltkrīvejis teritorejā cīši moz cylvāka puorgrūzeita. Zamyn datakys Muoļneicys 7 km garumā Sarja sadora Latvejis i Boltkrīvejis rūbežu.[2] Upe aizasuoc Rāznovys kauprainē, tuoļuok tak car Dagdys kaupraini, a Boltkrīvejā car Polocka zamaini. Ītak Daugovā puors kilometru zamyn Drysys (Verhņadzvinskys).

Upis teciejuma vydsdaļā nadzeivojams apvyds, nazkodejuos solys tukšys, tok atrūnami vierteigi dobys i vaidu laiku pīminiekli. Upmalis prīžu mežūs i kluonu pļovuos daudzi ratu auguoju i dzeivinīku škiru, kurys īraksteitys Latvejis i Boltkrīvejis Sorkonajā gruomotā - mežoguo gladiola, malnuo žugure, bryunais luocs, zyvu dzeneits i cyti.

Nūruodis i olūti[pataiseit | labot pirmkodu]

  1. M. Andžāns "Reits", Viļāni, 1933, 9-10 psl.; "Zīdūnis", 1939 g., nr. 5, 137 psl.
  2. Eņciklopedeja "Latvejis doba", Presis kuormi, 1998, ISBN 9984-00-312-4