Latgolys regiona raisteibys agentura
Latgolys regiona raisteibys agentura aba LRRA (latvīšu: Latgales reģiona attīstības aģentūra; LRAA; krīvu: Агентство развития Латгальского региона; anglīšu: Latgale Region Development Agency) — Latgolys pošvoldu īstateita navaļstiskuo i napeļneiguo oganizaceja, kurys snāgsirā puordrūsynuot regiona leidzīņa raisteibys planu īdzeivynuošonu i rādu.
Organizaceja eistynuojuse vērtini Europys Savīneibys fondu finansātu projektu, kuri vadynuojuši vysa Latgolys regiona ekonomiskū i socialū raisteibu. LRRA sovā darbeibā turīs pi Latgolys planavuošonys regiona raisteibys padūmis nūstateitūs regiona raisteibys prioritetu.
Viesture i statuss[pataiseit | labot pirmkodu]
LRRA īstateita 1999 godā kai napeļneiguo aprūbežuota atsaceiguma sabīdreiba, 2004 godā, atsateikūši jaunajim tīseibu aktim, statuss puormeits par bīdreibu.
Snāgi[pataiseit | labot pirmkodu]
Golvonī LRRA snāgi:
- puordrūsynuot optimalu statiniskū (nacionalais-regionalais leidzīņs) i guliniskū (nacionalais leidzīņs i regionalais leidzīņs) integraceju iz vyds vysu regionalajā politikā, planaveibā i raisteibā pīsadolūšūs partneru;
- radeit stypru i īteceigu regionalū strukturu, kura var pīstuovēt Latgolys regionu i pījimt regiona leidzīņa sasprīdumus ap Latgolai svareigim vaicuojumim;
- puordrūsynuot decentralizātu raisteibys planavuošonu pa priņcipam "nu zamoškys iz viersu", styprynojūt regionalū darbuotnumu planaveibys, programeibys i regionaluos raisteibys atzarēs.
Funkcejis[pataiseit | labot pirmkodu]
Sadareibā ar Latvejis regionaluos raisteibys lykumu, LRRA dora itaidys funkcejis:
- kūpādareidama ar pošvoldim i vaļstiskūs instituceju teritoriskajim īstotim Latgolā, sastota planaveibys regiona raisteibys programu i teritorejis planavīni, puordrūsynoj jūs sadareibu ar nacionalū planavīni, nacionalū raisteibys planu i nacionalajom ci atzaru raisteibys programom, taipoš jūs īdzeyvnuošonys rādu;
- sagatavej pīzynumus ap nacionaluo leidzīņa raisteibys planaveibys dokumentu atsatikšonu planaveibys regiona raisteibys programai i teritorejis planavīņam;
- koordinej i vadynoj planaveibys regiona regionaluos raisteibys atspaida leidziekļu radeišonu, īdzeivynuošonu, davēri i nūviertiešonu;
- nūviertej vītejūs pošvoldu i juridiskūs i fiziskūs personu padūtūs projektu dasacejumus, kab dabuotu vaļstiskuo atspaida regionalajai raisteibai, i dūd sovu pīzynumu ap jim;
- izpylda cytys normativajūs aktūs nūstateitys funkcejis.
Struktura[pataiseit | labot pirmkodu]
Agenturys poša augstuo sprīdiejinstituceja ir Bīdrusaīsme. Jei kas 4 godi ībolsoj Padūmi, kura dora laikavydūs nu vīnys Bīdrusaīsmis da cytys i dasaver LRRA direktora i vysys agenturys dorba.