Aglyunys pogosts

Aglyunys pogosts
Nūvods:	Aglyunys nūvods
Centrys:	Aglyuna
Pluots:	131,7 km2
Dzeivuotuoju sk. (2010):	2151
Bīzeiba:	16.3 dz./km2
Īstateits:	1936 godā

Aglyunys pogosts irā Aglyunys nūvoda teritoriskais padalīņs Latgolā. Pogosta centrys - Aglyuna. Pogostā dora pyrmaškolys īstots, vydsškola, katuoļu gimnazeja, sporta škola, bazilikys kora škola i breivuo laika centrys Aglyunys solā i internatpamatškola i profesionaluo vydsškola Jaunaglyunys solā. Taipoš dora feļčeru punkts, socialū ryupestu noms i socialuo atspaida noms bārnim. Biblioteka i tautys noms atsarūn pogosta centrā.

Viesture

Viesturiskai Aglyunys pogosta teritoreja bejuse Daugpiļs apleiciņa Kapeņu pogostā. 1936 godā nu Kapeņu pogosta padaleja Aglyunys pogostu. 1945 godā Aglyunys pogostā īstateja Aglyunys, Jaundzemu, Kruoceitis, Rušyuna, Runtuļu i Salinīku solys padūmi. 1954 godā Aglyunys solai daškiera Kruoceitis solu, a 1960 godā i Salinīku solu. 1990 godā solu reorganizej kai pogostu. 2009 godā īstateja Aglyunys nūvodu i pogosts dasaškiera kai administrativa teritoreja.

Rūbeži

Aglyunys pogosts tur rūbežu ar:

• Aglyunys nūvoda Gruoveru, Kastulīnis i Škeļtiņu pogostu;
• Daugpiļs nūvoda Ombumuižys i Vyšku pogostu;
• Ribinišku nūvoda Rušyuna pogostu.