Ņukšu pogosts

Materials nu Vikipedeja
Puorlēkt da: navigaceja, meklēt
Ņukšu pogosts
Nūvods: Ludzys nūvods
Centrys: Ņukši
Pluots: 68,52 km2
Dzeivuotuoju sk. (2010): 515[1]
Bīzeiba: 7.5 dz./km2
Īstateits: 1945 godā

Ņukšu pogosts irā Ludzys nūvoda teritoriskais padalīņs Latgolā. Pogostā dora tautys noms, biblioteka, feļčeru punkts. 2011 godā Ņukšu pamatškolu davīnova Pyldys pamatškolai i tān pogosta teritorejā nivīna vuiceibu īstota navā.

Viesture[pataiseit]

Viesturiskai Ņukšu pogosta teritoreja bejuse Ludzys apleiciņa Pyldys pogostā. 1945 godā Pyldys pogostā īstateja Nukšys solys padūmi. 1954 godā solai davīnova likvidātū Purynu solu, a 1975 godā nūtyka zemu puorsameišona ar Gaveiku solu.[2] 1990 godā solu reorganizej kai pogostu.[3] 2009 godā kai administrativu teritoreju pogostu daškir Ludzys nūvodam.

Rūbeži[pataiseit]

Ņukšu pogosts tur rūbežu ar:

Doba[pataiseit]

Ņukšu pogosts atsarūn Latgolys augstainis Rāznovys kauprainis pūstumu molā. Pogosta pluots 68,52 km2, nu tuo solsaimesteibai lītojamuo zeme vaira kai 3 tyukstūšys dekteru, meži 2050 dekteru i kriumuoji 110 dekteru.[4] Pogostā 1999 godā 1999 godā īstateits dobys nūlīgtiņs "Pyldys azars", četrys Pyldys azarsolys irā vaļsteibys sorgojamī dobys pīminiekli jau nu 1924 gods (tān sorgoj 5 azarsolys).

Iudini[pataiseit]

Upis:

  • Gaveiku upeite
  • Iļža
  • Kozupe
  • Leičupeite
  • Leidiukšņa
  • Pylda

Pogosta teritorejā 13 azaru. Pošleluos Iudiņtveris:

  • Bečeru azars - 10,8 dekteri
  • Gaveiku azars
  • Lelais Peisaiņs
  • Lelais Zurzu azars - 77,2 dekteri
  • Mozais Zurzu azars - 55,8 dekteri
  • Opolais Snidzins - 46,9 dekteri
  • Pyldys azars - 295 dekteri
  • Sleinovys azars - 25,5 dekteri
  • Stolonu azars

Pūri i peisi:

  • Ziļu pūrs
  • Čyžyku pūrs

Dzeivuotuoji[pataiseit]

Ņukšu pogostā dzeivoj 515 ļauds, nu jū 68,4% latvīšu, 26,6% krīvu i 1,4% boltkrīvu. Lelums pogosta dzeivuotuoju katuoli, pīdar Pyldys katuoļu parapejai (Pyldys bazneica atsarūn Ņukšu solā).

Solys[pataiseit]

Ņukšu pogosta ļauds dzeivoj 41 soluos.[5] Pošu leluos solys - Belomoiki, Gaveiki, Juzefinova, Ņukši, Pylda.

Zeimeigi ļauds[pataiseit]

  • Juoņs Unda - muokslinīks;
  • Anatolejs Gorbunovs - politiks, bejs Sativis ministrs;
  • Lideja Jankovska - izsliva rūkdarbineica, nazcik paruožu dalineica.

Saimisteiba[pataiseit]

Transports i saiteibys[pataiseit]

Pogosta teritoreju škārsoj vaļsteibys zeimebys ceļš Kuorsova-Ludza-Bukmuiža (P49), kas irā dale nu ceļu projekta "Reitu styga". [6] Taipoš sative nūteik pa nazcik vītejuos zeimeibys celim. Dzeļžaceļa linejis pogostā navā.

Ņukšu pogosta teritoreju apkalpoj vīna posta atdale "Ņukši" pogosta centrā (LV-5730).[7]

Slavvītys[pataiseit]

  • Pyldys azara dobys nūlīgtiņs;
  • Pyldys muiža, pastateita 19 godusymtā;
  • Sleinovys paegle, apleikmārs 1,65 m, augstums 10 m;
  • Svātuo Pītera i Puovula Romys katuoļu Pyldys bazneica, kuramā izaglobuojuši obruozi nu 17.-18. godusymta.

Nūruodis[pataiseit]

  1. Latvejis dzeivuotuoju skaits pošvoldūs 01.07.2010.
  2. Okupātuos Latvejis administrativi teritoriskais dalejums. Latvejis Vaļsteibys arhivu generaldireceja. Reiga, 1997. ISBN 9984-9256-0-9
  3. Latvijas pagasti. Enciklopēdija. A/S Preses nams, Rīga, 2001-2002 ISBN 9984-00-412-0
  4. http://www.ludzasbiblio.lv/lv/vecaks/pilsetas-pagasti-novadi/uksu-pagasts Ludzys biibliotekys datubaza
  5. LĢIA vītvuordu datubaza
  6. Latvejis vaļsteibys regionalī autoceli
  7. Latvejis posta iņdeksu gruomota